9سنين غربة ولما رجع لاقيته بيخونى”سيدة تطلب الطلاق
كتب -أسماء سرور
أرسلت السيدة ه.ف إلى مولاتى شكوتها وقالت أنا سيدة أبلغ من العمر 33سنة وزوجى عنده 40 سنة عندنا 3 أطفال متزوجة من 15 سنة وكانت حياتنا صعبة جدا كنا عايشين بالسلف والديون لحد ما جت فرصة سفر لجوزى وسافر.
وأضافت السيدة سافر زوجى ومرت سنة تلو الأخرى وكل ما أطلب منه ينزل حتى أجازة يقول المصاريف لحد ما مرت 9 سنوات كاملين وقالت “خدتنى الحياة وتربية العيال وكنت بقول لنفسى أكيد هو بيضحى عشان عياله ما هو كمان محروم من بيته بلاش أضغط عليه” مع العلم أن الفلوس اللى كان بيبعتها قليلة وكنت بشتغل عشان أكمل مصاريف البيت .
العودة من السفر
وأستكملت أخويا أتصل بيه وقاله” لو منزلتش وشوفت أختى وعيالك أعتبر ملكش بيت ازاى جالك قلب تبعد 9سنين ” فعلا بعدها بشهر نزل كنت ما بين الفرحة أنه اخيرا اتجمعنا تانى وما بين الصدمة أنه يقدر ينزل وكان بيتحجج بالمصاريف.
شخص غريب
وأستطردت السيدة رسالتها “جه البيت زى الغريب لا العيال قدروا يحضنوه ولا أنا قدرت أتعامل بشكل طبيعى معاه ” لحد ما أكتشفت خيانته بمسك تليفونه أكلم أختى على النت لاقيت رسايل ومكالمات وأنه كان بيبعت فلوس “لبنات وستات متجوزة وبيخونى خيانة كاملة محستش بنفسى إلا وأنا بفوق فى المستشفى وبصوت وبقول طلقنى..طلقنى” مش عارفة أعمل إية ولا أتصرف ازاى شايفة شريك عمرى بيمر قدامى وقلبى بيوجعنى أوى .
ردت الإستشارية النفسية شيماء مصطفى لقد اوجعتنى عزيزتى برسالتك هذة حقا لقد شعرت بكم القهر والألم والصدمة فى كلماتك ولا أجد سوى تعزيتك .
واضافت مصطفى أرى أن هذا الشخص لا وجود له طوال تسع سنوات أخرجيه للأبد من حياتك هذا الشخص لما يجبره الحنين والإشتياق لأسرته ناهيك عن الدين الذى حرم السفر كل هذة المدة.
بداية جديدة
وأستكلمت مصطفى نعم أؤيدك فى الطلاق من هذا الشخص اتركيه يمضى فى سبيله واحتضنى أطفالك وابدأى بداية جديدة لا يوجد فيها هذا الشخص قاسى القلب .
