“أهل جوزى خرجوه من مصحة الإدمان عشان الفضيحة”..سيدة تطلب الطلاق

كتب -أسماء سرور

أرسلت السيدة «ج .د» إلى مولاتى مشكلتها وقالت أنا سيدة أبلغ من العمر 28 عام وجوزى عنده 30 متزوجة منذ ست سنوات ولدى طفلان حياتى كانت هادئة وكنت أعيش أفضل أيامى مع جوزى وعيلته .

طريق الإدمان

واضافت أهل جوزى ناس محترمة اوى ومفيش واحد فيهم بتاع مشاكل قاعدين فى حالهم وجوزى كان شغال مع ناس وبيكسب كويس لحد ما جالهم واحد جديد الشغل من سنتين ومن ساعتها حاله اتبدل .

وأستكملت رسالتها الشخص الجديد دة علم جوزى شرب المخدرات “الأيس” وطبعا بدا جوزى يغيب من الشغل ويغيب عن الدنيا كلها واجهته ومقدرش ينكر عرفت أهله اللى هاجمونى عشان مكنش حد مصدق راحوا عملو التحليل وظهرت النتيجة عالية جدا .

دخول المستشفى

واستطردت السيدة وقالت “خدنا قرار دخوله المستشفى لأنه كده هيأذينى ويأذى العيال وفعلا دخل لحد ما أمه قالت إبنى يخرج يقعد وسطنا كفاية فضايح وابوه نفذ رغبة أمه وراح جابه “غضبت عند أهلى وهو بيكلمنى ارجع وأنا رافضة وطالبة الطلاق او يرجع المصحة يتعالج.

ردت الإستشارية النفسية شيماء مصطفى وقالت يجب أن تقفى بجانب زوجك فى هذا الوقت الصعب مع إعترافه بمشكلته ولكن يجب أن تتفهمى الجانب النفسى للمدمن فهو يكره التواجد فى مكان مغلق مثل المصحة .

عاطفة الأم

وأضافت مصطفى أعلم ان عائلته أخطأئت فى خروجه من المصحة ويمكن إدراك هذا الخطأ يمكن أن تكون والدته تحدثت بعاطفة الأم فقط فهى تريد أن ترى إبنها بجانبها ،ارجعى إلى بيتك وتحدثى معهم بكل شفافية ووضوح للوصول لحل فى هذة المشكلة وتمام شفاء زوجك .